تعلّم صناعة الحلويات باحتراف مع الشيف سماهر

يعطيكي العافية يا رب. بتشكرك من كل قلبي على كل ورشة قدمتيلنا إياها. اليوم بفضل الله تعالى أولًا ثم إنتِ، أنا فاتحة محل وبسترزق منه بعد ما كنت أشتغل من البيت. الله يباركلك بكل شيكل. الكل سألني وين تعلمتي؟ بقلهم أم عمار Queen Cake، وأعطيت رقمك لكثير ناس. وفي صبية من اللي دليتهم تعلمت عندك، ولليوم بتشكرني.

عنجد من قلبي حابة أشكرك على كل إشي علمتيني إياه. كتير استفدت منك، مش بس بطريقة الشغل، حتى من خبرتك وأفكارك وطريقتك الحلوة بالتعامل. عنجد كنتِ سبب إني أتعلم أشياء جديدة وأثق أكتر بشغلي. بتمنالك كل التوفيق بمشروعك الجديد، وإن شاء الله تكون خطوة حلوة وبداية لنجاحات أكبر، لأنك فعلًا بتستاهلي كل خير.

أنا من الناس اللي عنجد استفدت من الورشات اللي عندك، وأنا بالمجال من عشر سنين. كان إلك دور كبير، والحمد لله انفتحلي باب رزق. وفي ورشات كنت أحضرها وعلى طول أروح أطبقها بدون أي صعوبة، لأن أسلوبك كان كثير واضح ومفهوم وسلس. وأنا دايمًا أي حدا بسألني عن هاد المجال وكيف يبدأ، بنصحه فيكي. الله يرزقك ويرزقنا جميعًا.

أم عمار، شهادتي فيكي مجروحة. من أول الاستقبال والضيافة والنظافة، فش بعد هيك. والتعليم كله مصداقية. ربنا يباركلك بإخلاصك. ولما أرجع للفيديوهات بحس قديش كل إشي عالميزان، والشرح واضح. كنتِ تقوليلي ركزي وترجعي تشرحيلي لما تحسي إني تلخبطت بمراحل التطبيق. وطعم البيتيفور اللي تعلمته عندك، من الباونتي وكرات الحشوة وبيتيفور النوجات، مش طبيعي الطلب عليهم.